"Patang ka hawa se pyaar"

Yeh pyaar kaisa hota he, yeh pyaar kaisa hota he,

Jeevan ki jo dor he, khule aasman mein udti he,
Udti he us patang ki tarah, jo azad hawa mein udti he,

Ik din koyi aata he, jo hawa se baatein karta he,
Hawa ko kuchh kehta he, aur patang wahan ko mudti he,

Patang jo bandhi thi dor se, ab hawa se baatein karti he,
Udti thi jo akeli aasmaan mein, aaj hawa ke rukh se mudti he,

Akeli patang ko mili he zindagi, ab hawa se usko pyaar hua he,
Chhuna he ab aasmaan ko, jeene ka maksad mila he,

Patang ne unchayi he ab chhu li, kyunki hawa ka saath he,
Dono ka he mail aisa, ki kya din kya raat he,

Samay ki seema ka he jor, mausam ke bhi jazbaat hein,
Par patang hawa dateh rahein, aise kayi imtihaan he,

Samay kisi se rukta nahin, mausam aate jaate hein,
Saath rahe wo dono hamesha, to anginat mulakaatein hein,

Meethi rahe gi zindagi, meetha rahe ga saath,
Uljhein na wo tufaano se, to hogi naa kabhi raat,
Yeh pyaar aisa hota he, haan yeh pyaar aisa hota he…